Viktimat e para pas infeksionit me EHEC

Infeksioni i rëndë i zorrëve mund të ketë qenë arsyeja e dy vdekjeve në Gjermaninë veriore. Kështu të shtunën vdiq një 83 vjeçare në qarkun Diepholz të Saksonisë së Ulët prej një sëmundje zorrësh të shoqëruar nga gjakderdhje.

Siç u bë e njohur tani, bakteri agresiv u arrit të provohej tek ajo. Në një klinikë të Bremenit vdiq natën e kaluar një grua e re. Autoritetet janë duke verifikuar nëse ajo ishte e infektuar me patogjenin e rrezikshëm të diaresë.

Në mbarë Gjermaninë janë regjistruar mbi 300 raste me EHEC, para së gjithash në landin Schleswig-Holstein ka një kuotë të lartë ngjitjeje.

Sëmundja e zorrëve konsiderohet e rrezikshme për jetën, pasi në raste veçanërisht të rënda ajo mund të çojë në bllokim të veshkave dhe anemi. Të prekura prej sëmundjes janë veçanërisht gratë.