Villas-Boas e ka ‘nxehtë’

Menaxheri i Chelseas, Andre Villas-Boas ka thënë se skuadra e tij bëri paraqitjen e saj më të dobët deri më tani gjatë këtij sezoni në Premierligë, në humbjen 2-0 në Everton të shtunën.

“Mendoj se kjo ishte njëra prej ndeshjeve tona më të dobëta të sezonit. Nuk bëmë asgjë pozitive. Faji është i imi pasi futbollistëve nuk u mungoi angazhimi. Ishte një ditë e vështirë për ne me shumë gjëra negative” deklaroi Villas-Boas.

Kjo ishte humbja e gjashtë për Chelsean këtë sezon që i le ata në pozitën e pestë në Premierligë.