Zenit, 15 milionë euro për Zaraten

Afati kalimtar në Rusi nuk mbyllet deri më 24 shkurt dhe Zenit St Petersburg synon që para kësaj date të transferojë sulmuesin Mauro Zarate, aktualisht i huazuar në Inter nga rivali Lazio.

Sipas medieve italiane, Zenit, skuadër e udhëhequr nga trajneri italian Luciano Spalleti është i gatshëm të ofrojë 15 milionë euro për sulmuesin argjentinas, për të cilin ka përgatitur pagë prej 3 milionë eurosh në vit.

Mungojnë edhe dy javë deri në mbyllje të afatit kalimtar në Rusi andaj ka mjaft kohë për realizimin e një marrëveshjeje.