Viti 2009, me pak para ne treg

Qarkullimi i parase ne treg, do te ngushtohet edhe me shume gjate ketij viti per shkak te efekteve qe po percon kriza financiare globale ne ekonomine vendase. Guvernatori i Bankes se Shqiperise, Ardian Fullani deklaroi dje ne Komisionin parlamentar te Ekonomise se, kriza ekonomike boterore perben rrezik ne rritje per vendin tone. "Ne optiken e Bankes se Shqiperise, problemi kryesor me te cilen do perballet ekonomia shqiptare gjate vitit ne vijim eshte mungesa e likuiditetit dhe lidhur me kete, shtrengimi i kushteve te financimit te aktivitetit ekonomik", u shpreh guvernatori Fullani, i cili kohet i fundit i ka rritur kerkesat ndaj qeverise, per menaxhim te situates. Sipas tij, ky kufizim duhet te njihet dhe te faktorizohet ne planet e biznesit dhe te gjithe agjenteve ekonomike ne vend. "Ekonomia shqiptare do te perfitoje me pak kredi gjate vitit 2009", vijoi Fullani, duke theksuar se "kjo mungese likuiditeti kufizon dhe hapesirat qe ka politika fiskale dhe monetare per reagim te metejshem". Ai u shpreh se ne keto rrethana kerkohet nje eficence me e madhe e perdorimit te fondeve ne sistemin bankar, nepermjet renditjes prioritare te shpenzimeve ne funksion te impaktit qe kane mbi rritjen ekonomike te vendit . Duke pasur me pak para cash ne dispozicion, bankat do te kene me pak mundesi per kredituar qeverine dhe ekonomine private. Nga ana tjeter disbalancimi i kerkeses dhe ofertes per para, pritet te rrise interesat si per qeverine ashtu edhe operatoret private te ekonomise, ka lajmeruar Banka e Shqiperise. Ne fakt ne ankandet e fundit te bonove te thesarit letrave me vlere te qeverise, interesat kane arritur majat duke thyer edhe rekordet historike. Aktualisht bonot me maturim 1-vjecar shiten me mbi 9 per qind interes. Po keshtu per shkak te mungeses se likuiditeteve nga bankat, interesat per kredite jane rritur ndjeshem gjate ketij viti. Situata e krijuar ne tregjet nderkombetare, sipas Fullanit, ka ndikuar ne menyre te natyrshme ne uljen e mundesise dhe gatishmerise se sistemit bankar shqiptar per te kredituar ekonomine shqiptare. Nderkohe, ai shtoi se keto zhvillime te ekonomise globale sugjerojne se ekonomia shqiptare duhet te perballet me nje reduktim te nivelit te remitancave dhe te hyrjeve ne pergjegjesi te kapitalit gjate vitit 2009.

Stabiliteti makroekonomik, amortizoi krizen

Stabiliteti makroekonomik ka amortizuar ndikimin e krizes ekonomike financiare e globale ne aktivitetin ekonomik te vendit. Guvernatori i Bankes se Shqiperise, Ardian Fullani, duke bere nje parashikim te pritshmerive ekonomike ne vend gjate vitit ne vazhdim, theksoi se "ky stabilitet i shprehur ne inflacion te ulet te cmimeve te konsumit, qendrueshmeri e bilancit te pagesave dhe te borxhit publik, balance te shendosha te agjenteve ekonomik, luhatje te uleta te tregut financiar dhe besim te publikut ne nje zone financiare, eshte nje kapital i madh i ekonomise shqiptare". Guvernatori tha se, dinamizmi i sektorit privat kerkon kushte afatgjata te favorshme ekonomike dhe financiare, si dhe struktura transparente tregjesh konkurruese, per te cliruar ne menyre te plote potencialin e tij te zhvillimit. "Vetem vendet te cilat kane ditur te ngrihen e t'i pergjigjen ketyre goditjeve, kane mundur te rriten e te prosperojne per periudha zhvillimesh afatgjata", deklaroi ai.