Vizat, Cekia: Liberalizimi, pas presidences sone

Hapi i ardhshem konkret ne afrimin e Shqiperise me Bashkimin Europian do te jete liberalizimi i vizave. Per shumekend ne Shqiperi ky perceptohet si perfitimi i vertete nga anetaresimi ne Bashkimin Europian.

Mirepo ky hop cilesor, por jo i vetmi ne marredheniet BE-Shqiperi, nuk do te mund te realizohet shpejt.

“Me lejoni te jem i hapur dhe i ndershem me ju. Per shkak te krizes financiare, e cila do te kete efekte edhe ne Europe, si ne SHBA, shanset jane kufizuar per shkak te problemeve dhe veshtiresive, si te shtimit te papunesise, etj. Me lejoni te them gjithashtu se tashme per kete shkak nuk jemi aq te sigurt per suksesin ne kete fushe, sic ishim nente muaj me pare. Natyrisht ne do te vazhdojme te punojme, por druaj se ne fund te Presidences sone ky problem do te ekzistoje ende dhe do t’u mbetet pasardhesve tane, kolegeve suedeze per ta cuar me tej”, ka deklaruar Karel Schearzenber, minister i Jashtem i Republikes Ceke.

Si ne takimin me presidentin e Republikes Bamir Topi, kryeministrin Berisha, si edhe ne biseden me homologun e tij Lulzim Basha, ministri cek vuri ne pah se aspiratat integruese te Shqiperise do te jene te sigurta, vetem pas kryerjes me sukses te reformave, vecanerisht ne sistemin e drejtesise dhe luften pa kompromis kunder korrupsionit.

Pas euforise se deritanishme, duket se edhe autoritetet me te larta shqiptare po pajtohen me idene se standartet duan edhe ca kohe te realizohen.