Vizat, Fratini hap sot dialogun me Shqiperine

Zevendespresidenti i Komisionit Evropian, Franko Fratini, viziton sot Tiranen per te hapur dialogun me Shqiperine per regjimin e vizave. Ky dialog do te hapet ne prani te ambasadoreve te vendeve anetareve te Bashkimit Evropian dhe perfaqesuesve te medieve nga Kryeministri Berisha dhe Fratini dhe ceremonia do te zhvillohet ne Pallatin e Brigadave. Pas ketij dialogu, Kryeministri i Shqiperise dhe zevendespresidenti i Komisionit Evropian do te japin nje konference te perbashket per shtyp dhe me pas Fratini do te niset per ne Presidence, ku do te takoje Presidentin e Republikes, Bamir Topi. Pas ketyre dy takimeve te rendesishme, Kryeministri Berisha do te jape dreke ne nder te Fratinit ne Pallatin e Brigadave, ku gjithcka do te jete e mbyllur per mediat. Pas kesaj dreke, zevendespresidenti i Komisionit Evropian, do te takohet me Kryetaren e Kuvendit, Jozefina Topalli, ne parlament. Interesimi per ardhjen e Franko Fratinit eshte shume i madh, jo vetem per mediat dhe qeverine, por edhe popullin shqiptar, pasi ky zhvillim do te pasoje me zhvillime te tjera ne vend per liberalizimin e vizave dhe qarkullimin e lire te njerezve. Regjimi i lehtesuar i vizave ka hyre ne fuqi me 1 janar te ketij viti, por Qeveria e Shqiperise kerkon liberalizimin e plote te tyre, hyrjen ne zonen "Shengen".