Vizat euro fillon renien kundrejt lekut
TIRAN- Vendimi per heqjen e regjimit te vizave per Shqiperine me vendet e zones Shengen ndikoi menjehere ne kursin e kembimit te lekut me monedhat e huaja kryesisht me euron. Nevoja e qytetareve per euro per te levizur ne vendet e zones rriti kerkesen per kete monedhe ne tregun vendas.
Per kete shkak qe prej dates 8 nentor kur Ministrat e Brendshem te vendeve te Bashkimit Europian miratuan levizjen e lire te shqiptareve neper vendet e zones shengen euro filloi te vleresohej kundrejt lekut duke arritur brenda pak diteve nga 138.77 leke ne 139.41 leke.
Ky ishte ndikimi i pare menjehere pas vendimit ku me shume se prej zhvillimeve te tregut specialistet e lidhen me efektin psikologjik nderkohe qe me pas euro filloi te zbriste nen 139 leke per te filluar me pas rritjen qe ne ditet e para te muajit dhjetor rreth dy jave para hyrjes ne fuqi te vendimit per levizjen e lire. Sipas te dhenave te Bankes se Shqiperise me te hyre muaji dhjetor euro kaperceu perseri mbi 139 leke duke mos njohur me ulje deri me date 15.
Kete dukuri ekspertet e lidhen me rritjen e kerkeses se qytetareve per kete monedhe per shkak te prenotimeve si dhe nevojes per ti pasur ato me vete ku pasja e nje sasie parash te cilat justifikojne ditet e qendrimit ne vendet shengen eshte nje nder kushtet per te kaluar kufirin.
Duke filluar dita e pare e dhjetorit deri me date 15 kur filloi edhe levizja e lire euro fitoi rreth 0.6 pike kundrejt lekut. Pergjate ketyre diteve qytetaret qe paraqiteshin prane agjencive te kembimit valutor ishin me te prirur per te blere se sa per te shitur euro.
Nderkohe te dhenat nga agjencite e udhetimeve flasin per nje rritje te prenotimeve pergjate kesaj periudhe por jo ne treguesit e pritshem. Ne keto kushte ne ndryshim nga ditet e para te liberalizimit te vizave euro ka filluar te zbrese nga vlera 139.37 leke qe ishte ne ato dite duke u ulur ne rreth 138.7 leke.
Sipas te dhenave te Bankes se Shqiperise vetem brenda tre diteve nga data 17 deri ne 20 dhjetor leku ka fituar perseri terren ndaj monedhes europiane ku dje nje euro kembehej mesatarisht me 138.76 leke kundrejt 139.11 lekeve qe ishte disa dite me pare. Emirjon Senja