Vizat, këtë javë hyn në fyqi marrëveshja Kosovë-Turqi

Prishtinë-Në fund të kësaj jave hyq në fuqi marrëveshje për heqjen e vizave midis Kosovës dhe Turqisë. “Në kuadër të marrëveshjes, poseduesit e pasaportave diplomatike, zyrtare dhe ordinere të Republikës së Kosovës, që nga data 6 qershor 2009, do të jenë të liruar nga vizat për udhëtimin e tyre për në Turqi, por me kusht që brenda afatit kohor prej 6 muajve të mos tejkalohet koha e qëndrimit prej 90 ditëve”, thuhet në një njoftim të Ambasadës së Turqisë në Prishtinë.

Për qëndrimet më të gjata se 90 ditë brenda 6 muajve, si dhe për vizat e studimit e të punësimit, duhet të aplikohet në Ambasadën Turke. Për dokumentet e udhëtimit të UNMIK-ut, ende vlen obligimi i marrjes së vizave në Ambasadën Turke, saktësojnë zyrtarë të kësaj Ambasade.

Marrëveshje për heqjen e vizave midis dy vendeve është nënshkruar më 13 janar 2009, midis ministris kosovar të Punëve të Jashtme Skënder Hyseni dhe homologut turk në atë kohë, Ali Babacan.