Vizita bashkon pozitë-opozitë

Të gjitha vlerësimet nga klasa politike kosovare që bëhen për vizitën e udhëheqësve kosovarë në Uashington janë shumë pozitive. 

Vizita duket se është një nga çështjet e pakta që bashkon pozitën dhe opozitën në Kosovë në vlerësimet e tyre. Edhe qytetarët mendojnë se kjo vizitë po bëhet në kohën e duhur, kur vendi ka nevojë për përkrahje në disa fusha e në veçanti atë të njohjeve ndërkombëtare të pavarësisë së Kosovës. Zv/kryeministri i Kosovës, Hajredin Kuçi vlerëson se kjo është forma më e bindshme e lobimit për pavarësinë e Kosovës, duke shtuar se përkrahja e SHBA-ve nuk është vetëm e kohës së pavarësisë, por është në pikën kulminante të SHBA-ve.