Vizita e Klinton, Begaj: Përjetë mirënjohës për gjithçka që keni bërë për kombin tonë e në veçanti për Kosovën

Vizita në Tiranë e ish- presidentit amerikan, Bill Clinton, është vlerësuar edhe nga presidenti, Bajram Begaj. Nëpërmjet një statusi të publikuar në rrjetin e tij social Facebook, kreu i shtetit shqiptar nënvizon se Shqipëria dhe shqiptarët do ti jenë përjetë mirënjohës ish- presidentit Clinton, për gjithçka që ai ka bërë për kombin shqiptar e në veçanti për Kosovën.

“Mirësevjen në Tiranë Presidenti Clinton!

Shqipëria dhe shqiptarët ju janë përjetë mirënjohës për gjithçka që keni bërë për kombin tonë e në veçanti për Kosovën. Vendimmarrja dhe lidershipi juaj në ditët më vendimtare për të ardhmen e Kosovës ju kanë vendosur në piedestalin e miqve tanë më të shtrenjtë. Ju faleminderit nga zemra!”- shkruan Begaj.

/rtsh.al/