Vjen nga Spanja trafikanti i klandestineve

TIRAN - Ekstradohet nga Spanja i kerkuari per trafikim te 44 klandestineve nepermjet brigjeve te plazhit te Patokut ne Lac. Agfim Sufa 40 vjec nga Laci u ekstradua dy dite me pare nga Policia e Shtetit nga Madridi ku qendronte i arrestuar ndersa ishte shpallur ne kerkim nderkombetar prej autoriteteve te drejtesise Shqiptare me akuzen e dhenies se ndihmes per kalim te paligjshem te kufirit ne bashkepunim per qellim fitimi veper e kryer ne formen e grupit te strukturuar kriminal. Per Sufen Gjykata e Krimeve te Renda me 30 dhjetor te vitit 2008 ka caktuar masen e arrestit me burg per vepren penale per te cilen e akuzonte Prokuroria e Krimeve te Renda. Sipas njoftimit Zyrtar te Policise te Policise Sufa akuzohet se me 10 janar te vitit 2008 ne bashkepunim me Ardian Currin po nga Laci kane organizuar dhenien e ndihmes per kalim te paligjshem te kufirit me skaf nga plazhi i Patokut Lac ne drejtim te Italise te 44 personave te cilet me pas u kapen nga policia. Policia nderhyri per kapjen e personave per shkak te kohes se keqe qe ishte ne dete dhe shumica e personave qe tentonin te kalonin brigjet drejt Italise rrezikuan te mbyteshin. Pas nderhyrjes se policise personat e dyshuar per trafikim te klandestineve munden te largoheshin ndersa policia me vone i identifikoi ata dhe i shpalli ne kerkim. Per Sufen Gjykata e Shkalles se Pare per Krimet e Renda me vendimin nr. 258 30 dhjetorit te vitit 2008 caktoi masen e sigurimit arrest me burg per kete ngjarje. Nderkaq pas me teper se tri vitesh kerkimi te tij Sufa u arrestua vitin e kaluar ne Madrid me 13 maj ne baze te urdher arrestit te Krimeve te Renda.