Vlorë, ekzekutohet pas një konflikti një 25-vjecar

VLORË- Mesditën e sotme rreth orës 13:00 është ekzekutuar me armë zjarri shtetasi Altin Nelaj. Ngjarja e rëndë ka ndodhur në qytetin Bregdetar të Vlorës, në zonën e njohur “Rruga e Re”, ndërsa të dhënat e para nga policia bëjnë me dije se shkak i vrjasjes ka qënë një konflikt mes viktimës e autorëve të ngjarjes.

Mësohet se 25-vjecari Nelaj është qëlluar me plumba në zemër, cka i ka shkaktuar edhe vdekjen e menjëhershme. Nelaj ndodhej pranë automjetit të tij në momentin e ekzekutimit, ndërsa mësohet se me vete mbane edhe një sasi të konsiderueshme me monedha euro.

Blutë e Vlorës, deklarojnë se kanë identifikuar autorët e vrasjes dhe po punojnë për kapjen e tyre.
(m.a/BalkanWeb)