Vlorë, grabitet për herë të tretë filiali i një banke

VLORË- Grabitet për herë të tretë filiali i një banke në Vlorë. Burime nga policia e Vlorës bjënë me dije se dy persona të maskuar kanë grabitur nën kërcënimin e armëve filialin e një banke në qytetin bregdetar. Ngjarja ndodhi mesditën e sotme në zonën e ish-shkollës së naftës

Mësohet se dy gabitësit kanë kërcënuar me armë punonjësit, duke i kërkur gjithë të hollat që dispononte arka, ndërkohë që janë larguar menjëherë nga vendngjarja.

Policia është vënë nen ndjekje të autorëve, ndërkohë që ka marrë në pyetje dëshmitarët e ngjarjes si dhe punonjësit e bankës. Ende nuk dihet shuma që kanë mundur të grabisnin personat e maskuar.
(e.m/BalkanWeb)