Vlorë, ish-punonjësit e ndërmarrjes bujqësore në protestë për pronat

ORIKUM - Ish-punonjësit e ndërmarrjes bujqësore në Orikum u janë rikthyer protestave për pronësinë e tokës.

Mëngjesin e sotëm ata janë mbledhur sërish para dyerve të Bashkisë së Orikumit, duke kërkuar certifikatën e pronësisë, që sipas tyre u takon në bazë të ligjit 7501.

Protesta e tyre vjen pas njoftimit nga firmat e ndërtimit në këtë zonë, për të rinisur punimet e ndërprera kohë më parë. Ish-punonjësit e ndërmarrjes bujqësore kanë protestuar edhe më parë, ndërsa nuk kanë munguar dhe konfrontimet fizike me policinë.

(er.nu/BalkanWeb)