Vlorë, kapen 216 kg hashash, në pranga dy persona

Policia e Vlorës ka sekuestruar 216 kg hashash ditën e djeshme në qytetin e Vlorës. Sipas burimeve nga policia, ka qenë një aksion i organizuar nga uniformat blu në bashkëpunim me Prokurorinë e Rrethit Vlorë që ka çuar në arrestimin e dy personave, të cilët ishin pjesë e këtij trafiku. Gjithashtu, në krim janë shpallur edhe dy persona të tjerë, të cilët bënin pjesë në të njëjtin grup. Policia kishte marrë informacion për aktivitetin e një grupi trafikantësh që vepronin në zonë. Ajo nisi hetimin dhe në bashkëpunim me prokurorinë organizoi operacionin “Kundërveprimi”. Si pasojë e saj, u vunë në pranga dy prej trafikantëve. Sipas policisë, droga ishte e destinuar për në tregun e vendin fqinj, Greqisë. Në këtë mënyrë u arrit të goditej grupi i trafikantëve që kryente transportimin e drogës nëpërmjet kufirit shqiptar, drejt shteti helen. Policia njofton se ka identifikuar dy autorët e tjerë dhe i ka shpallur ata në kërkim. Dy shtetasit akuzohen për “prodhim dhe trafikim të lëndëve narkotike”. Ata janë shoqëruar për në ambientet e komisariatit të Vlorës dhe në ditët në vazhdim pritet të dalin përpara Gjykatës së Rrethit Vlorë, për të marrë masën e arrestit.