Vlorë, merr flakë makina gjatë ecjes

Një automjet ka marrë flakë, ndërsa ishte duke lëvizur, ndërkohë që nuk ka pasur dëmtime në njerëz. Ngjarja ndodhi në aksin rrugor Vlorë - Fier, në vendin e quajtur Kthesat e Panajasë. Një makinë me targa të huaja, CK 318 MX, kishte marrë flakë dhe menjëherë shkuan aty zjarrfikëset dhe policia.

Sipas burimeve nga policia, drejtuesi i automjetit, Y. Nazeraj, ishte duke udhëtuar në drejtimin Vlorë - Fier dhe në ecje automjeti kishte marrë flakë, duke u djegur tërësisht. Përveç djegies së automjetit, drejtuesi i saj nuk u dëmtua, pasi arriti të dilte në kohë. Sipas policisë, flakët kanë nisur aksidentalisht, për shkak të një defekti teknik, që çoi edhe në djegien e plotë të automjetit.