Vlorë, ndahen 24 apartamentet me kredi të butë
Këshilli bashkiak i Vlorës ka bërë ndarjen e apartamenteve sipas ligjit. LSI politizon çështjen e braktis mbledhjen
VLORË- Janë 24 apartamente banimi që duhet të ndahen për 141 emra dhe kjo ka sjellë dje reagime në këshillin bashkiak të Vlorës teksa problemi i strehimit ka zënë vendin kryesor në mbledhjen e radhës. Dhjetëra qytetarë të interesuar për strehim, për kredinë e butë dhe kushtet lehtësuese që ofrojnë 24 apartamentet, kanë mbushur ambientet e bashkisë, në pritje para sallës ku zhvillohej mbledhja, ndërkohë që fillimi i diskutimeve për strehimin, ka nisur me një deklaratë të bërë në emër të grupi të LSI. Sipas saj, bashkia nuk ka respektuar kërkesat e banorëve. Kësaj ankese i është bashkuar edhe një këshilltar i PSD dhe të dyja këto forca politike kanë braktisur mbledhjen e këshillit bashkiak. Ka qenë kryebashkiaku Gjika ai që ka replikuar ashpër dhe e ka komentuar reagimin e LSI dhe PDS-së, që sipas tij janë futur në qorrsokak politik. "Mua personalisht më vjen keq për ata nevojtarë që janë pas dere dhe prisnin votat edhe të këtyre këshilltarëve. Në këtë proces është zbatuar tërësisht ligji dhe ligji i ri dua të kujtoj se ka ndryshime me të vjetrin, ku qytetarët duhet të bënin vetëdeklarimin, proces ky që nuk mund ta bënte vetë administrata. Administrata nuk ka bërë absolutisht shkelje ligjore",- tha kryetari i baskisë, Shpëtim Gjika. Ndërkohë që kryetari i grupit të Partisë Socialiste, Eltar Deda, e ka quajtur qëndrimin si një turp qytetar. Pas kësaj ka qenë nënkryetari i këshillit bashkiak që mori drejtimin e seancës, ku u vendos që lista e 24 familjeve që do të përfitojnë nga pallati i dytë te zona e ish- frigoriferit, të votohej gjatë mbledhjes.
Lista e personave qëfituan të drejtën e strehimit
Toto Ibraj
Gavrosh Veizaj
Viktor Shkëmbi
Vjollca Serjanaj
Tomorr Dervishaj
Muhamet Husa
Veli Nazaj
Baxhul Memaj
Spiro Kokthi
Selman Habazaj
Selim Matohitaj
Reiz Myrtaj
Skënder Bejkosalaj
Halem Stefani
Hedije Hymeraj
Muhedin Dervishaj
Ermal Sika
Luan Hodaj
Shkëlqim Jupi
Veli Shabani
Ylvie Hysaj
Agim Paja
Krenar Kapaj
Murat Kosova