Votohet qeveria "Berisha 2", vetem Dule del kunder
Votebesohet qeveria "Berisha 2". Me shumice absolute votash te maxhorances, 74 vota pro, Kuvendi votoi dje ne oret e vona kryeministrin Sali Berisha dhe te 15 ministrat e kabinetit te tij qeveritar. Votimi u krye serish ne mungese te opozites socialiste, 65 deputetet e se ciles bojkotuan seancen e djeshme plenare. I vetmi qe votoi kunder ishte kreu i PBNJ-se, Vangjel Dule, i cili ndryshe nga socialistet, merr pjese ne seancat plenare. Votimi u zhvillua ne oret e vona te mbremjes, pas rreth pese ore diskutimesh mes deputeteve mbi programin e ri qeverise 2009-2013. "Urime qeverise se re qe do te beje gati Shqiperine per ne Bashkimin Evropian, ministrave dhe deputeteve ne kete mandat te ri. Suksese", uroi kryetarja e Kuvendit Jozefina Topalli. Nuk munguan ne salle, tufat me lule per Kryeministrin, ne diten e votimit te kabinetit te tij qeveritar si dhe takimet mes tij dhe ministrave e deputeteve, per mandatimin e qeverise se re. Ashtu sic e kerkon edhe Kushtetuta, Kryeministri dhe ministrat, do te betohen sot para Presidentit te Republikes, Bamir Topi, per te nisur zyrtarisht nga puna. Pak minuta para votimit te qeverise "Berisha 2", kryetari i grupit parlamentar demokrat, Astrit Patozi, kritikoi ashper deputetet socialiste, per bojkotin qe po i bejne Kuvendit. Sipas tij, vleresimi i nderkombetareve per zgjedhjet, verteton nje here e mire krizen brenda PS-se si e vetmja arsye e mungeses se saj ne Kuvend. "Raporti i OSBE/ODIHR, hodhi poshte te gjitha alibite dhe argumentet e opozites, per te mos marre pjese ne Kuvend. PS duhet te ngrihet nga letargjia dhe te vije te permbushe detyrimet e veta, si opozite. Nuk mund te mbetet peng e nje njeriu te vetem", u shpreh Patozi. Sipas tij, deputetet socialiste, duhet te vijne ne Kuvend te permbushin detyren e tyre si deputete te opozites. Deputetet e maxhorances, debatuan per rreth pese ore radhazi mbi programin e ri qeverises dhe reformat qe do te realizohen ne kater vitet e ardhshme ne pushtet. Pervec ministrave qe ne vija te pergjithshme zbuluan prioritetet e qeverise se tyre, ne sy ne seancen e djeshme plenare, te binte edhe diskutimi i deputeteve te rinj, qe per te paren here shkelen ne Kuvend ne 7 shtator. I vetmi ze ndryshe ne salle, ishte ai i deputetit te vetem opozitar, Vangjel Dule i PBDNJ-se, i cili kerkoi angazhime konkrete nga qeveria per realizimin e reformave. Deputetet e tjere te maxhorances, u ndalen tek realizimi i reformave, pajisja e shtetasve me kartat e identitetit dhe suksesin e maxhorances ne zgjedhje.