Vranësira dhe kthjellime gjatë gjithë javës

Kjo javë do të dominohet nga alternime kthjellimesh dhe vranësirash në pjesën më të madhe të territorit. Vranësirat më të dendura do të jenë në zonat malore.
Këto kushte atmosferike do të na shoqërojnë deri në fundjave kur pritet një sistem i lehtë vranësirash i shoqëruar me shira të dobët i cili do të përfshijë pjesën më të madhe të vendit.
Temperaturat e ajrit do të pësojnë luhatje gjatë gjithë javës nga dita në ditë duke u ulur dhe ngritur me 2 gradë.
Në fundjavë pritet rritje e temperaturave në vlerat e mëngjesit ndërsa mesdita do të ruajë vlera konstante të temperaturave në vend.
Era do të fryjë e lehte dhe mesatare me shpejtësi deri 30 km/h dhe drejtim kryesisht perëndimor kjo do të bëjë që deti të gjenerojë dallgë të ulta.