Vrasesi i kryekomunarit Veseli killer me pagese

Vrasja e kryetarit te Komunes Terthore ne Kukes eshte cilesuar veper e nje profesionisti.

Ekspertet e antikrimit pas 35 ore hetimi mendojne se autori eshte nje vrases me pagese.

13 te shoqeruarit te dyshuar per informata te mundshme rreth ngjarjes u lane te lire. Ata u pyeten rreth konflikteve te meparshme me Remzi Veselin. Hetuesit e ceshtjes nuk gjeten prova per ti mbajtur ata ne arrest. Ngjarja eshte cilesuar si me e renda e 20 viteve te fundit per zonen e Kukesit.

Remzi Veseli u vra naten e se martes prane baneses se tij. Ai u qellua me dy plumba dhe vdiq ne spital. Ne familjen Veseli shkoi dhe nga kryetari i Partise Socialiste Edi Rama. Ky tha se Remzi Veseli eshte opozitari i dyte qe vritet ne dere te shtepise ne prag te nje fushate. Ne ceremoni moren pjese edhe perfaqesues te Partise Demokratike dhe perfaqesues te Pushtetit Lokal. Remzi Veseli u ekzekutua mbreme me plumb ne koke ne afersi te baneses se tij.

Menjehere pas ngjarjes se rende forca te shumta policore mberriten ne vendngjarje dhe krehen gjithe zonen ndersa u ngriten postblloqe te shumta ne te gjitha rruget nacionale dhe ne pikat kufitare. Burime zyrtare nga Drejtoria e Policise se Qarkut te Kukesit bejne me dije se po hetohet ne disa pista per zbardhjen e motivit te krimit. Burime te policise saktesuan se 35-vjecari ka pasur konflikte me shume persona. Kjo per shkak te funksionit te tij si kryekomunar. Ministri i Brendshem Lulzim Basha deklaroi se vrasja nuk kishte lidhje me shkaqe politike.