Vrasja e Xhindit, mbi 500 të shoqëruar dhe 11 pista
Pas 30 ditëve nga krimi që i mori jetën deputetit socialist, Fatmir Xhindi, Prokuroria e Krimeve të Rënda dhe policia e Fierit e çojnë në 500 numrin e të shoqëruarve. Marrja e dëshmive të personave nga Roskoveci dhe nga fshati Kurjan janë zhvillimet e dukshme të çështjes, ndërsa grupi hetimor nuk bën të ditur nëse e kanë identifikuar plotësisht autorin e ekzekutimit dhe motivet që e shtynë atë drejt këtij akti. Hetimi, sipas burimeve nga grupi hetimor, po përqendrohet në ato pak prova të zbuluara, megjithëse ngjarja ka një muaj që ka ndodhur. Ditët e fundit janë kryer dhjetëra shoqërime, të cilët janë marrë në pyetje. Paralel me këto shoqërime nga policia dhe prokuroria po punohet edhe me hetimin dhe përgjimin e telefonatave të atyre që mund të kenë pasur qoftë edhe lidhje shoqërore me viktimën. Pas marrjes në pyetje të të gjithë shtetasve ka vijuar edhe shqyrtimi i të dhënave të tyre, por nuk flitet nëse ato kanë pasur rëndësi për hetimin. Dy ditë më parë, Prokuroria e Krimeve të Rënda deklaroi se janë në "lojë" tri pista, nga 11 që kanë qenë në fillim të ngjarjes. Ndërkohë, gjatë kësaj kohe familjarët e Fatmir Xhindit kanë kërkuar zbardhjen sa më shpejt të ngjarjes, pasi vonesa çon në zhdukjen e provave të krimit.
11 pista
Grupi hetimor i përbërë nga zyrtarë të Prokurorisë së Krimeve të Rënda, të Drejtorisë së Përgjithshme të Policisë dhe policisë lokale të Fierit, kanë zhvilluar në harkun kohor të një muaji dhjetëra orë analiza të hetimeve për vrasjen e Fatmir Xhindit. Fillimisht grupi hetimor u mblodh në Fier dhe më pas u shpërngul në Prokurorinë e Krimeve të Rënda, ku kryeson hetimet drejtuesi i këtij institucioni, Olsian Çela, dhe në hetime marrin pjesë katër prokurorë. Burime zyrtare nga prokuroria deklarojnë se nga analizat e njëpasnjëshme janë verifikuar rreth 11 pista që hetoheshin më parë për vrasjen e deputetit, ndërsa është vendosur rrëzimi i tetë prej tyre, dhe vetëm tre kanë mbetur në fuqi. Për këto pista është vendosur të vazhdojë hetimi me grumbullimin e provave dhe informacioneve.
Hetim vendngjarjes
Atentati ndodhi në datën dy maj, rreth orës 21:15, pranë shtëpisë së deputetit, në Roskovec të Fierit. Rreth 20-30 minuta para se të afrohej tek oborri i banesës së tij, ku vrasësit i kishin zënë pritë, Fatmir Xhindi ka qenë në një lokal të zonës. Prania e deputetit në këtë lokal deri rreth orës 20:45 konfirmohet nga dhjetëra dëshmitarë të hetimit. Mësohet se Xhindi, ditën e ngjarjes, ka qenë me djalin, por ai ka udhëtuar vetëm në drejtim të banesës së tij, nga lokali ku kishte qëndruar deri pranë shtëpisë 2-katëshe. Prokuroria deklaron se është zbardhur me dëshmitarë okularë i gjithë aktiviteti që deputeti ka pasur ditën kur ndodhi vrasja. Sipas dëshmitarëve, është arritur të zbardhet se ditën e ngjarjes, në mëngjes, deputeti ka qenë në Tiranë, më pas ka udhëtuar për në Fier, ka mbërritur në fshatin Kurjan dhe në darkë është kthyer në Roskovec. I vetmi interval kohor për të cilin nuk ka asnjë rrethanë, asnjë dëshmitar dhe asnjë informacion, është momenti kur Fatmir Xhindi ka dalë nga lokali e derisa ka mbërritur në oborrin e banesës, ku është qëlluar me breshëri armësh sapo ka zbritur nga automjeti. Sipas prokurorisë, ekzekutorët kanë pritur për disa minuta diku pranë banesës së deputetit 49-vjeçar. Në këtë kohë, Fatmir Xhindi është qëlluar me armë, duke mbetur i vdekur në vend.
11 pista
Grupi hetimor i përbërë nga zyrtarë të Prokurorisë së Krimeve të Rënda, të Drejtorisë së Përgjithshme të Policisë dhe policisë lokale të Fierit, kanë zhvilluar në harkun kohor të një muaji dhjetëra orë analiza të hetimeve për vrasjen e Fatmir Xhindit. Fillimisht grupi hetimor u mblodh në Fier dhe më pas u shpërngul në Prokurorinë e Krimeve të Rënda, ku kryeson hetimet drejtuesi i këtij institucioni, Olsian Çela, dhe në hetime marrin pjesë katër prokurorë. Burime zyrtare nga prokuroria deklarojnë se nga analizat e njëpasnjëshme janë verifikuar rreth 11 pista që hetoheshin më parë për vrasjen e deputetit, ndërsa është vendosur rrëzimi i tetë prej tyre, dhe vetëm tre kanë mbetur në fuqi. Për këto pista është vendosur të vazhdojë hetimi me grumbullimin e provave dhe informacioneve.
Hetim vendngjarjes
Atentati ndodhi në datën dy maj, rreth orës 21:15, pranë shtëpisë së deputetit, në Roskovec të Fierit. Rreth 20-30 minuta para se të afrohej tek oborri i banesës së tij, ku vrasësit i kishin zënë pritë, Fatmir Xhindi ka qenë në një lokal të zonës. Prania e deputetit në këtë lokal deri rreth orës 20:45 konfirmohet nga dhjetëra dëshmitarë të hetimit. Mësohet se Xhindi, ditën e ngjarjes, ka qenë me djalin, por ai ka udhëtuar vetëm në drejtim të banesës së tij, nga lokali ku kishte qëndruar deri pranë shtëpisë 2-katëshe. Prokuroria deklaron se është zbardhur me dëshmitarë okularë i gjithë aktiviteti që deputeti ka pasur ditën kur ndodhi vrasja. Sipas dëshmitarëve, është arritur të zbardhet se ditën e ngjarjes, në mëngjes, deputeti ka qenë në Tiranë, më pas ka udhëtuar për në Fier, ka mbërritur në fshatin Kurjan dhe në darkë është kthyer në Roskovec. I vetmi interval kohor për të cilin nuk ka asnjë rrethanë, asnjë dëshmitar dhe asnjë informacion, është momenti kur Fatmir Xhindi ka dalë nga lokali e derisa ka mbërritur në oborrin e banesës, ku është qëlluar me breshëri armësh sapo ka zbritur nga automjeti. Sipas prokurorisë, ekzekutorët kanë pritur për disa minuta diku pranë banesës së deputetit 49-vjeçar. Në këtë kohë, Fatmir Xhindi është qëlluar me armë, duke mbetur i vdekur në vend.