Vrasja e mjekut, PS: Të merren masa për parandalimin e ngjarjeve të rënda

Partia Socialiste kërkoi të shtunën marrjen e masave nga qeveria për mbrojtjen e jetës së qytetarëve të këtij vendi, dhe veçanërisht ndaj bluzave të bardha dhe sulmeve të individëve të armatosur.
Deputetja e Partisë Socialiste, Eglantina Gjermeni, tha sot gjatë një konference për shtyp në selinë e PS-së, se "Partia Socialiste jo vetëm dënon aktin kriminal, por dhe kërkon nga qeveria marrjen e masave të menjëhershme për parandalimin e ngjarjeve të tilla të rënda".
"Ngjarja e djeshme në spitalin e Durrësit është e disata që përsëritet, duke u cënuar profesionalizmin dhe dinjitetin mjekëve, ndërsa qeveria bën vetëm retorikë duke mbetur në kuadrin e deklaratave të ministrave dhe duke mos marrë asnjë masë", tha Gjermeni.