Vritet një sulmues i armatosur në Stamboll
Është vrarë nga forcat e sigurisë turke personi i armatosur, që terrorizoi zonën turistike të Stambollit.
Siç raporton Reuters, ai ka mbetur i vrarë, pasi qëlloi me pushkë pranë kompleksit të pallatit Topkapi, duke plagosur dy persona.
Siç raportojnë mediat turke, personi ishte i armatosur me pushkë shotgun.
Nuk dihet ende identiteti i tij dhe motivet e këtij sulmi. Lajmi është konfirmuar edhe nga CNN turk, i cili transmetoi imazhe të ambulancave në vendngjarje.