Vullnetarët aksion në plazhin e Zvërnecit, apel për mjedis të pastër (FOTO)

Vlorë- Plazhi i Zvërnecit në Vlorë ishte ndalesa e rradhës e Korpusit të Vullnetarëve për largimin e mbetjeve në shenjë ndërgjegjësimi.

Mbi 100 aktivistë të moshave dhe profesioneve të ndryshme pastruan pjesën e parkut pranë TEC-it në zonën e Nartës në Vlorë.

Mbi dy orë aktivistët larguan mbetjet e parkut të prodhuara nga pushuesit dhe bizneset përreth, por të braktisura aty në mënyrën më të shëmtuar e të papërgjegjshme të mundshme.

Me mbështetjen e Raiffesisen Bank pjesa e parkut mori tjetër pamje, atë që duhet të ketë çdo ditë të vitit: Pa mbeturina!

Ndërkohë në prag lulëzimin e turizmit në këtë zonë vullnetarët shpërndanë qese nëpër çadrat e pushuesve në shenjë sensibilizimi që mbeturinat që do të krijojnë gjatë qëndrimit në plazhin e Zvërnecit ti hedhin në to e jo ti braktisin në plazh.

Korpusi Shqiptar i Vulnetarëve si lëvizja më e madhe mjedisore në vend do të vijojë aksionet e tij në zonat bregdetare e jo vetëm në përcjellje të mesazhit: Të bëhemi qytetarë duke mos ndotur mjedisin që na rrethon!

Dorina Bilbili/IDEA/

Vullnetarët pastrojnë plazhin e Zvërnecit, mesazhe për mjedis pa mbeturina