Wenger pesimist për titull

Menaxheri i Arsenalit, Arsene Wenger ka pranuar se shpresat e skuadrës së tij për titull mund të jenë shuar pas humbjes së ngushtë nga Manchester City të dielën.

Skuadra londineze u mposhtë 1-0 nga lideri i Premierligës dhe mbeti 12 pikë prapa Cityt pas 16 ndeshjeve.

“Fatkeqësisht është një ndeshje të cilën nuk kemi guxuar ta humbim sepse na linte shumë prapa. Do të jetë vështirë të ngushtojnë diferencën me Cityn, por do të mundohemi”, tha Wenger për mediet angleze.