WhatsApp thyen SMS-të, bien të ardhurat e operatorëve mobile

Për herë të parë në historinë e mesazheve tradicionale SMS, është ulur numri i dërgimit të tyre pasi vendin e kanë zënë mesazhet në chat Apps, të tilla si WhatsApp, sipas firmës kërkimore Informa.

Informa tha se pothuajse 19 miliardë mesazhe janë dërguar në dite në Apps chat në vitin 2012, krahasuar me 17.6 miliardë tekste SMS.

Ndryshimi ka të ngjarë që të ketë një ndikim të madh në operatorët mobil, për të cilët, tekstet kanë qenë një burim kyç i të ardhurave. Pamela Clark-Dikson e Informa tha se disa operatorë tashmë ishin “duke parë një rënie në të ardhurat e tyre nga mesazhet”.

Sipas vlerësimeve të ndara nga firma kërkimore, më shumë se $ 23 miliardë e të ardhurave të SMS kanë humbur në vitin 2012 për shkak të popullaritetit të Apps chat. Informa ka thënë se pritet që numri i mesazheve në chat Apps të rritet edhe më tej në vitet e ardhshme.

Ajo ka parashikuar që rreth 50 miliardë mesazhe do të dërgohen në ditë duke përdorur këto aplikacione deri në vitin 2014, krahasuar me pak më shumë se 21 miliardë SMS tradicionale. Megjithatë, ajo tha se pavarësisht nga rritja e hendekut mes të dyve, SMS do të vazhdojë të mbetet një lojtar kyç në këtë sektor.

Ajo shpjegoi se shumica e Apps chat janë përdorur nga ana e konsumatorëve të cilët zotërojnë smartphone. Megjithatë, tha ajo, janë një numër i madh i konsumatorëve, veçanërisht në zhvillim dhe ekonomitë më pak të zhvilluara, të cilët përdorin telefonat mobil normale dhe mbështetesin SMS si mjet i preferuar i mesazheve.

Informa pret që të ardhurat nga SMS të rritet në $ 127 miliardë nga viti 2016, në krahasim me $ 115 miliardë vitin e kaluar.

A.Liço/IDEA/