Shamata: Nuk ndryshojne tarifat financiare per studentet Eljona Ballhysa

“Do te vazhdojme te ruajme te njejta tarifa financiare edhe per vitin e ardhshem akademik”. Keshtu eshte shprehur zevendes ministri i Arsimit dhe Shkences Halit Shamata. Ai ka bere te ditur per gazeten “Koha Jone” se Ministria e Arsimit dhe Shkences nuk ka planifikuar ndryshim te tarifave financiare per studentet. Sipas Shamates, ministria do te vazhdoje te ndjeke politiken e cmimeve te uleta per studimet e larta, ne menyre qe t’i jape mundesine e shkollimit te gjitha shtresave te popullsise. “Tarifat financiare per te ndjekur universitetet publike nuk do te ndryshojne. Tarifat jane modeste, variojne nga 300-350 mije leke per sa i perket nje viti akademik ne nivelin bachelor. Ne do te vazhdojme t’i mbajme tarifat financiare ne kete nivel. Madje mund t’ju them se eshte urdher i kryeministrit qe te mbetemi tek tarifat e uleta. Universitetet ne pergjithesi bejne kerkesa per rritje te cmimeve, por ne kemi qene per tarifa te uleta dhe do te vazhdojme te ruajme kete nivel edhe per vitin e ardhshem akademik, per t’i dhene mundesine e studimeve te larta te gjithe studenteve, pavaresisht shtreses se popullsise nga e cila vijne”, - eshte shprehur zevendes ministri i Arsimit, Shamata. Nderkaq, per sa i perket kuotave te pranimeve ne universitetet publike, Shamata ben te ditur se do te kete rritje te kuotave ne ato dege te preferuara, per te cilat kerkesat e studenteve te rinj qe vijne nga gjimnazet, jane ne rritje, nderkohe qe do te mbeten ne te njejtat nivele, ose mund te kete dhe pakesim te kuotave ne ato dege ku interesi i studenteve eshte i me i ulet. “Natyrisht qe do te kete ndryshim, ne kuptimin qe ne do te shtojme kuotat aty ku programet e studimit kane mundesi te integrohen ne tregun e punes dhe per te cilat kerkesat e studenteve te rinj jane me te larta. Po keshtu do te ruajme te njejtat kuota per ato dege studimi qe kane pak shanse te krijojne treg pune, per te mos thene qe mund te kete nje fare reduktimi. Ne kemi filluar qe prej dy vitesh te shtojme kuotat ne teknologjine informacionit sepse ka interes si dhe ne profile te caktuar te ekonomise dhe biznesit sepse lidhen drejtperdrejte me vendet e punes. Pra keto jane dege qe pervecse kerkohen shume nga studentet, ka dhe treg pune per keta studente qe mbarojne studimet per ekonomi, biznes, teknologji informacioni si dhe dege te tjera te kesaj natyre”,- ka bere te ditur zevendes ministri i Arsimit.