Wollfarth: Të vazhdojë dialogu për përmbushjen e reformave

Kreu i Prezencës së OSBE-së në Tiranë, Eugen Wollfarth, i ka bërë thirrje klasës politike shqiptare të vijojë dialogun konstruktiv, me qëllim përmbushjen e reformave të nevojshme. Zoti Wollfarth, vuri theksin tek ecuria e reformës zgjedhore, e cila sipas tij duhet të përfundojë në kohën e duhur. Ambasadori Wollfarth kërkoi që mazhoranca dhe opozita të shprehin më shumë vullnet për përmbushjen e reformave.
Kreu i Prezencës së OSBE-së në Tiranë, ka lëshuar këtë deklaratë pas vizitës në selinë e Kryegjyshatës Botërore të Bektashinjve, ku përcolli urimet me rastin e festës së Sulltan Novruzit.