Xhaçka: Zgjerimi i BE-së nuk është i rëndësishëm vetëm për Ballkanin Perëndimor por edhe për një Evropë më të sigurt në tërësi

Shefja e diplomacisë shqiptare, Olta Xhaçka, deklaroi të martën në konferencën “Quo vadis, Evropa?”, se zgjerimi i BE-së nuk është i rëndësishëm vetëm për Ballkanin Perëndimor, por edhe për një Evropë më të sigurt në tërësi.

Ajo, me këtë rast, ka shprehur mirënjohje ndaj përfaqësuesit të lartë të Bashkimit Evropian për politikë të jashtme dhe siguri, Josep Borrell, për përpjekjet e tij për ta mbajtur Evropën të fokusuar në rajonin e Ballkanit Perëndimor dhe për mbështetjen e palëkundur për avancimin e procesit tonë të integrimit.

“Shpresojmë se BE-ja do të punojë me ne dhe do të mendojë për konvergjencën ekonomike dhe sociale. Gjithashtu shpresojmë të marrim sinjale të qarta nga BE duke filluar diskutimet për të na përfshirë në kuadrin e saj financiar, ligjor -institucional.”- deklaron Xhaçka.

/rtsh.al/