Zak: Pa Juven në Champions, misioni im quhet i dështuar

Sezoni i Juventusit ka mbërritur në pikën vendimtare. Trajneri Alberto Zakeroni e ka të qartë. “Nëse nuk mposhtim Barin dhe të gjitha kundërshtaret tona fitojnë nuk do të tërhiqem: kam pranuar të punoj në stolin bardhezi për ta kualifikuar Juven në Champions. Nëse objektivi nuk do të realizohet, kjo do të thotë se kam dështuar”, deklaroi trajneri. “Jam i sigurt se mund ta sigurojmë një ‘biletë’ për në Champions, pasi ekipi po rritet, edhe në aspektin fizik. Gjithsesi, në këto momente, pozicionimi në vendin e katërt është i komplikuar. Vazhdoj të jem i bindur se ky grup futbollistësh është mjaft cilësor”.