Zall-Herr, nje "Poligon lufte" kunder terrorizmit

Tirane-Me nje investim te ambasades amerikane ne Tirane dhe zyres se bashkepunimit te mbrojtjes, eshte ngritur ne regjimentin Komando ne Zallherr, "Poligoni i luftes ne qendrat e banuara". Ceremonia e perurimit u zhvillua dje, me pjesemarrjen e ministrit te Mbrojtjes, Arben Imami, ambasadorit amerikan Xhon Uidhers dhe ushtarakeve te tjere te larte te Forcave te Armatosura. "Ngritja e ketij poligoni i sherben kualifikimit profesional dhe pergatitjes fizike te ushtarakeve, ne kushtet kur bota sot eshte ne lufte te hapur me terrorizmin, i cili perben nje problem te madh global", u shpreh ambasadori Uidhers. Ndersa ministri i Mbrojtjes Imami, per te cilin ishte vizita e pare e tij ne kete regjiment pas marrjes se detyres, tha se me shume se vlera e shpenzuar, ndertimi i ketij poligoni ka rendesi per qellimin per te cilin eshte ndertuar.

"Ky poligon do t'i sherbeje rritjes se kapaciteteve te ushtrise shqiptare, si partnere te denje ne luften globale kunder terrorizmit",-tha ai. Ministri Imami, u shprehu efektivave te ketij regjimenti, gatishmerine e plote, per te qene krah Forcave te Armatosura duke mbeshtetur fuqimisht cdo operacion te tyre. Per ngritjen e ketij poligoni u investuan 1.5 milione dollare, donacion i bere nga GPOI (Iniciativa Globale per Operacionet Paqeruajtese).

Projekti filloi ne shtator 2008 dhe perfundoi ne maj 2009 dhe eshte i perbere nga 41 godina te vecuara, 2 dhe 3 kateshe te ideuar per te stimuluar nje "Teater Urban" ne operacionet e luftimit.

L.Koraqi