"Socialistet duhet te futen ne Kuvend, per imunitetin"

Opozita duhet te vij ne Parlament, per te votuar ligjin e heqjes se imunitetit per deputetet dhe zyrtaret e tjere te larte. Kjo ishte thirrja qe beri dje zevendeskryeministri njekohesisht ministri i Jashtem, Ilir Meta pas takimit me kryeprokuroren, Ina Rama. "Per te zgjidhur njehere e mire ceshtjen e imuniteteve, ne ftojme opoziten te hyje ne Parlament dhe te votoje per kufizimin e imuniteteve", deklaroi Meta. Sipas tij, kjo kerkese eshte bere ne menyre te herepashershme opozites nga mazhoranca dhe per kete arsye, i takon asaj te veproje. Por nga ana tjeter, ne menyre te qarte zevendeskryeministri Meta deklaroi mazhoranca eshte e hapur qe ne cdo rast te dorezoj imunitetin qe i kerkohet nga prokuroria. "Per sa i perket ceshtjes se imuniteteve, mendoj se pergjigjja eshte dhene me kohe. Sa here qe prokuroria te kerkoje heqjen e imunitetit per cilindo deputet do te kete voten time, dhe besoj se do te kete voten e te gjitheve ne Parlament", deklaroi Meta. Ne menyre te perseritur mazhoranca ka theksuar se ajo eshte e hapur per te mos pasur imunitet dhe zyrtaret e saj duhet te konsiderohen si qytetare te thjeshte perpara drejtesise.