Zapatero: S’kemi ndryshuar qëndrim për Kosovën

Madrid - Kryeministri spanjoll, Jose Luis Rodriguez Zapatero rideklaroi edhe një herë se Spanja nuk do të ndryshojë qëndrim për sa i përket njohjes së pavarësisë së Kosovës. Deklaratat u bënë gjatë një takimi që Zapatero zhvilloi me presidentin serb Boris Tadiç në Madrid, ku i ka premtuar mbështetjen e Spanjës për integrimin e Serbisë në Bashkimin Evropian.

Kryeministri spanjolltha se Madridi zyrtar konsideron se zgjidhjen e çështjes së Kosovës duhet kërkuar në kuadër të se drejtës ndërkombëtare. Zappatero shtoi se shteti i tij mbështet qëndrimin e Serbisë ndaj Kosovës dhe ka shfaqur bindjen se, ‘Serbia duhet të vazhdojë në rrugën në të cilën është nisur”.