Zbulohen dhe arrestohen autorët e dy vrasjeve më 1996

Në atë kohë, të ndaluarit, emrat e të cilëve nuk bëhen publike për arsye hetimi, të armatosur dhe të maskuar, u kanë dalë përpara autobusit të pasagjerëve të Komunës së Reçit.

Ata kanë vrarë drejtuesin e autobusit shtetasin Rasim Elezi dhe arkëtarin e Komunës shtetasin Asllan Meçi dhe më pas kanë marrë lekët e Komunës, një shumë rreth 12 milonë lekë të vjetra, e janë larguar nga vendi i ngjarjes.

Nga hetimet e kryera, autorët e këtij krimi kanë rezultuar të jenë autorë të dyshuar edhe të disa veprave të tjera të rënda penale, të ndodhura në kohë të ndryshme në Qarqet Dibër dhe Tiranë. Nga strukturat e Policisë së Shtetit vazhdon puna intensive për dokumentimin në tërësi të aktivitetit kriminal të këtyre shtetasve.