Zgjedhjet Rama takim me kreret e rretheve
TIRAN - Pas takimeve te njepasnjeshme te deputeteve socialiste me kryetarin e Partise Socialiste gjate kesaj jave do te vijojne takimet me kreret e rretheve dhe ato te pushtetit vendor. Nga selia roze mesohet se ne ditet ne vijim drejtuesit socialiste ne rrethe do te zhvillojne takim informues me kryesocialistin Rama per situaten aktuale dhe gjendjen e bazes socialiste perpara zgjedhjeve te ardhshme lokale.
Nje pike e rendesishme e takimit pritet te jete dhe diskutimi i kandidateve potenciale per kreret e qeverisjes vendore. Burime nga selia roze bejne te ditur se ende nuk ka nje liste zyrtare te emrave per garen e ardhshme elektorale pasi ka ende kohe per nje proces te tille. Momentalisht socialistet jane te fokusuar ne ringjalljen e strukturave ne te gjithe Shqiperine dhe venien ne pune te te gjithe perfaqesuesve socialiste per sfiden e ardhshme politike.
Nga ana tjeter kreret socialiste ne rrethe do te porositen nga kryesocialisti per te mos neglizhuar asnje zone te qeverisjes vendore qofte kjo nje zone bastion i se majtes apo bastion i se djathtes. Ne te dyja rastet lidershipi i Partise Socialiste do te kerkoje angazhim maksimal te strukturave per te mos sjelle asnje situate te paparashikueshme ne zgjedhjet e 8 majit. Ne takimet midis drejtuesve socialiste te rretheve dhe kreut te opozites priten te diskutohen dhe problemet qe mund te kene zona te caktuara.
Nga ana tjeter sekretari per Pushtetin Vendor ne Partine Socialiste Bashkim Fino do te vijoje takimet e tij ne te gjitha rrethet per te thithur emrat qe do te mund te perfaqesojne socialistet ne zgjedhjet e ardhshme. Zyrtarizimi i emrave do te behet pas mbledhjes se Kryesise se Partise Socialiste qe do te analizoje dhe vendose per cdo emer kandidati.
D. Dedej