Zgjedhjet, kriteret per t'u bere drejtues universitetesh Luljeta Ndoka
Senati i Universitetit te Tiranes ka miratuar rregulloren, ne baze te se ciles do te funksionoje fushata zgjedhore per autoritetet drejtuese te universiteteve publike te vendit. Ne rregullore percaktohen te gjitha modalitetet e gares per rektore, dekane, kancelare, etj. Sipas ketij dokumenti, te miratuar dy dite me pare nga Senati i UT-se, paraqitja e kandidateve per konkurrim, per te gjitha nivelet, fillon qe nga momenti i konstituimit te komisioneve perkatese te zgjedhjeve dhe perfundon brenda 6 diteve kalendarike. "Flete-aplikimi i nje kandidati per konkurrim, per autoritet drejtues apo anetar i nje organi drejtues, duhet te permbaje gjeneralitetet e plota, vendin e punes dhe postin per te cilin kandidon", thuhet ne rregullore. Kur kandidati eshte personel akademik i UT-se, per regjistrim paraqet vetem flete-aplikimi per konkurrim per autoritet drejtues apo anetar i nje organi drejtues. Ndersa kur nuk eshte personel akademik i UT-se, pervec flete-aplikimit per konkurrim per autoritet drejtues apo anetar i nje organi drejtues, per regjistrim paraqet nje CV, nje fotokopje te nje dokumenti identifikimi zyrtar, deshmine e grades/titullit, deshmine e penalitetit. Keta anetare zgjidhen per nje mandat 4-vjecar. Kandidati per anetar, i zgjedhur ne keshillin e administrimit nuk mund te kandidoje edhe per anetar te senatit akademik, per postin e rektorit, te dekanit/drejtorit apo pergjegjesit te departamentit, ndersa duhet te kete se paku graden shkencore 'Doktor'", thuhet ne rregulloren e posacme per zgjedhjet ne universitete. Kandidati fitues per dekan ne njesi kryesore, konsiderohet i zgjedhur edhe per anetar te senatit akademik, pa iu nenshtruar procesit zgjedhor per anetar te tij. Ne fakultetin e mjekesise, pergjegjesit e sherbimeve kane te drejte te kandidojne per anetar ne keshillin e fakultetit. Ne percaktimin e numrit te pergjithshem te anetareve te senatit akademik, si dhe keshillit te fakultetit, duhen mbajtur ne konsiderate raportet e percaktuara ne ligj per perfaqesimin ne masen 15 per qind te studenteve dhe 5 per qind te personelit joakademik. Sipas rregullores, kandidati per postin e autoritetit drejtues rektor/dekan duhet te kete se paku titullin "Profesor i asociuar" apo te kete graden shkencore "Doktor" (PHD), te fituar prane universiteteve perendimore dhe me pervoje akademike ne keto universitete. Kandidati per postin e autoritetit drejtues - pergjegjes i njesise baze, duhet te kete se paku graden shkencore "Doktor", ndersa nuk mund te kandidoje per me shume se nje post, autoriteti drejtues ne te njejten kohe. Nuk mund te kandidojne per post autoriteti drejtues apo anetar ne organet drejtuese te institucionit, persona qe jane duke vuajtur denim me vendim gjyqesor te formes se prere per vepra penale apo kundervajtje penale ose qe jane denuar me pare per vepra penale a kundervajtje penale.
Studentet, 20 per qind peshe ne rezultatin final
Studentet do te kene shume peshe ne vota. Ata do te votojne edhe per autoritete drejtuese, por edhe per zgjedhjet e qeverive studentore. Votat e studenteve (vetem ata qe bejne pjese ne sistemin me kohe te plote), do te kene 15 per qind peshe ne zgjedhjet per autoritetet drejtuese te universiteteve. Ne zgjedhjen e tyre, votat e studenteve dhe votat e personelit joakademik llogariten me perqindje. Ato vlejne 20 per qind ne totalin e pergjithshem te votave per studentet dhe 5 per qind ne totalin e pergjithshem te votave per personelin joakademik. Nese dy kandidate, per te njejtin post drejtues, dalin ne balotazh, pra kane numer te barabarte votash, atehere do te vendose shorti. Sipas te njejtes rregullore, Komisioni Qendror i Zgjedhjeve Institucionale shpall fitues kandidatin per rektor te renditur te parin ne liste, kandidatet per dekane te renditur te paret ne listat e KZF-ve, si dhe listat me perberjen e organeve drejtuese, senat akademik dhe keshill administrimi. Nga ana tjeter, nje pike e rendesishme e rezultateve, eshte shpallja fitues ne postin e rektorit dhe dekanit, kandidati i cili eshte renditur i pari ne liste dhe rezultati i tij eshte jo me i vogel se 33 per qind. Ne rastet kur asnje kandidat nuk ka arritur ta marre shumen e duhur te votave, atehere brenda nje muaji nga dita e votimit, zhvillohet raundi i dyte i zgjedhjeve midis dy kandidateve me rezultatin me te larte.
Ankimimet e rezultateve, si procedohet
Ankimimet qe kane te bejne me procedurat dhe zhvillimin e fushates se zgjedhjeve, si dhe organizimin e votimeve per te gjitha nivelet, i drejtohen me shkrim komisionit te apelimit, i cili jep pergjigje brenda 3 diteve nga data e ankimimit dhe vendos me shumice votash per vazhdimin e metejshem te procedurave ose jo. Komisioni i apelimit njofton Rektoratin, KQZI-ne dhe KZF-te e fakulteteve, ne lidhje me vendimin e marre. Apelimet qe kane te bejne me vendimet lidhur me rezultatet e votimit, i paraqiten me shkrim komisionit te apelimit brenda tri diteve nga shpallja e rezultatit te votimit. Ky komision merr vendim brenda 3 diteve me shumice votash te te gjithe anetareve te tij. Vendimi i komisionit te apelimit mund te ankimohet te MASH-i.