Metalla: Prokuroria, e vonuar ne hetimin e 21 janarit Eva Gjura
Deputetet e mazhorances e kane cilesuar si tejet te vonuar fillimin e hetimeve nga Prokuroria e Pergjithshme, per ngjarjet e tmerrshme te 21 Janarit 2011 dhe kjo, sipas tyre, eshte bere qellimisht. Deputeti i PD-se, Osman Metalla, per "Koha Jone", eshte shprehur se "mazhoranca ka kerkuar, qe te nesermen e asaj dite, qe te zhvillohet nje hetim i plote per zbardhjen e kesaj ngjarjeje, e cila i mori jeten dhe 4 protestuesve". Per deputetin demokrat, menyra e nisjes se hetimit nga ana e prokurorise eshte e padrejte dhe e njeanshme, pasi organi i akuzes e nisi kete hetim me kerkesen per ndalimin e komandantit te gardes dhe te dy personave te tjere, nderkohe qe, per te treguar se ky proces eshte i paanshem, ka kerkuar dhe heqjen e imunitetit te tre deputeteve te opozites. "Te gjitha keto te bejne te mendosh se, perseri, prokuroria po vepron ne menyre te njeanshme, duke mos qene aspak objektive ne kete hetim. Nuk e kuptoj perse prokurorise iu desh plot nje vit per te kerkuar heqjen e imunitetit te tre deputeteve te opozites, ne nje kohe qe, nese per hetimin e gardes iu desh ndihma e specializuar e autoriteteve te FBI-se se SHBA-ve, cfare prove i mungonte prokurorise qe te kerkonte me heret nje gje te tille per deputetet", eshte shprehur deputeti Metalla. Gjithashtu, ai ka deklaruar se prokuroria ka anashkaluar krejtesisht organizatoret kryesore te ketij tubimi krejtesisht te paligjshem, i cili si objektiv te tij kryesor, kishte pushtimin me dhune te institucionit kryesor te shtetit. Deputeti Metalla ka ngritur disa pyetje te cilat ia ka drejtuar kryetarit te PS-se, Rama. "Te gjitheve ju kujtohen fjalimet ne konferencat per shtyp te Edi Rames dhe disa aleateve te tij, disa dite rresht para organizimit te kesaj demonstrate, duke bere thirrje te njepasnjeshme per permbysjen me dhune te pushtetit te Berishes, duke kulmuar me deklarimin qe beri ne nje emision televiziv, ku tha se nuk mund te shkelet mbi viktimat. Ku e dinte z. Rama qe kjo demonstrate do te perfundonte me viktima dhe si shpjegohet qe per 5 ore pa pushim, Kryeministria iu nenshtrua nje sulmi te paprecedente? Dhe Rama nuk reagoi per asnje moment", tha Metalla. Deputeti demokrat theksoi se pretendimi i opozites per te hetuar zyrtare te shtetit eshte i gabuar. "Rama po kerkon qe te hetohen te gjithe ata qe nuk bene asgje tjeter vecse detyren e tyre ligjore, ne mbrojtje te shtetit", tha Metalla. Ai ka theksuar se pushtetet ne vendet demokratike zevendesohen vetem me voten e lire dhe cdo perpjekje per te shkelur kete parim eshte perpjekje per te dhunuar demokracine. "Pikerisht, per kete pikesepari, duhet te hetohen organizatoret e asaj proteste, e cila cenoi rendin kushtetues, cenoi demokracine ne Shqiperi, i mori jeten 4 protestuesve", tha deputeti i PD-se.