Zgjedhjet në Kashar, komisionerët ndryshohen në çastet e fundit

Zgjedhjet e sotme në Kashar duket se do të shfaqin problemet kryesore që kanë shfaqur zgjedhjet gjatë gjithë periudhës së postkomunizmit në Shqipëri. Njerëzit që përbëjnë infrastrukturën zgjedhore, do të jenë dhe kyçi i gjithçkaje. Shpesh është folur për administratën zgjedhore e sërish në këtë drejtim duket se pak është bërë. Vetëm disa orë para hapjes së procesit zgjedhor janë ndryshuar të gjithë komisionerët e të dy palëve. Sigurisht që arsyeja pse ndodh një gjë e tillë është frika nga palët se komisionerët janë kompromentuar nga pala kundërshtare, e për këtë arsye ndryshohen në minutat e fundit. Komisioni Qendror i Zgjedhjeve thekson se ky është problem i madh për të, për shkak se ata persona duhen trajnuar.

Për sa i përket procesit zgjedhor në Kashar, mbetet problematike dhe ngritja e grupeve të numërimit, pasi subjektet politike deri në mesditën e së shtunës, ende nuk kishin depozituar pranë KZQV Kashar, propozimet e tyre. Në tejkalim të afatit ligjor dhe për këtë proces, KQZ iu ka kërkuar të gjitha subjekteve politike dhe kandidatëve të paraqesin urgjentisht propozimet e tyre, në mënyrë që stafi i KQZ, t’i trajnojë në kohën e duhur.

Ditën e diel, 27 korrik, në Kashar rreth 13 500 zgjedhës do të votojnë për kryetarin e kësaj komune, në 18 qendra votimi në të gjithë zonën.

Kryetari zgjedhor, që në shkurt të vitit të shkuar ndodhet në burg, i akuzuar për abuzime me pronat. Të njëjtin fat ka edhe paraardhësi i tij. Të dy i përkasin krahëve të ndryshëm politikë, por kanë rënë në rrjetën e korrupsionit, të akuzuar për abuzime me pronat.