Zgjedhjet, sot tryeza e partive Rozeta Rapushi

Mblidhet sot tryeza politike mes pozites dhe opozites, me synim uljen e tensioneve dhe gjetjen e nje konsensusi para zgjedhjeve lokale te 8 majit. Ne oren 11 te paradites, ne Kryesine e Kuvendit, pritet qe te mblidhen kreret e grupeve te medha parlamentare ne vend, Astrit Patozi dhe Gramoz Ruci, si dhe kreret e forcave te tjera parlamentare ne vend. Tryeza, u thirr vetem pak dite me pare nga kryetari i grupit parlamentar demokrat, Astrit Patozi, i cili me 25 mars i dergoi nje ftese homologut te tij socialist, duke kerkuar uljen ne nje tryeze politike me 29 mars. Ne kushtet e ekzistences se ngercit politik mes dy forcave te medha politike PD-PS, ftoi zyrtarisht kreun e grupit socialist, Gramoz Ruci ne tryeze te perbashket, ne prag te zgjedhjeve lokale te 8 majit. Kjo ftese, mori menjehere konfirmimin dhe u vleresua nga aleatet kryesore te PD-se ne qeveri, Levizja Socialiste per Integrim por edhe nga forca te tjera te spektrit te djathte politik ne vend. Duke mos marre nje pergjigje nga opozita, me sakte nga selia roze. Ne letren e tij, qe ne fakt Patozi per dijeni ia dorezoi si dhe ftoi, edhe ambasadorin e OSBE-se ne vendin tone, Eugen Uollfarth, shkruan se ne nje tryeze te tille duhet te diskutohet dhe shprehet angazhimi i gjithsecilit, per te shqyrtuar pergjegjesite qe duhet te marrin partite per adresimin e mundshem te rekomandimeve per forcat politike, ne respekt te plote te kuadrit kushtetues e ligjor ekzistues. Sipas kreut te grupit demokrat, nje gje e tille do te sillte me pas dhe nje angazhim per te garantuar edhe permbushjen e ketyre detyrimeve dhe se ai do te jape kontribut dhe garanci shtese, perkrah ketij kuadri normativ, per zgjedhje demokratike, ne perputhje me te gjitha standardet nderkombetare. Kete ftese, kreu i grupit demokrat, e ben duke analizuar edhe situaten politike aktuale si dhe detyrat qe vendi yne ka ndaj komunitetit nderkombetar, ku kerkon te jete pjese. Patozi permend faktin se raporti i OSBE/ODIHR-it per zgjedhjet e vitit 2009, percakton per here te pare ne historine e zgjedhjeve ne Shqiperi se ato permbushen shumicen e angazhimeve te OSBE-se per zgjedhje demokratike. Duke shtuar, se ky raport vlereson lart cilesine teknike te Kodit Zgjedhor dhe infrastruktures zgjedhore, konstaton se keto permiresime te konsiderueshme u zbehen nga politizimi i aspekteve teknike te procesit. "Per te permiresuar procesin zgjedhor dhe arritjen e te gjitha standardeve nderkombetare, raporti i OSBE/ODIHR-it sugjeron 31 rekomandime, ku disa prej tyre i drejtohen drejtperdrejte ose terthorazi partive politike. Ne kete kontekst, dhe duke vleresuar maksimalisht rendesine e procesit pergatitor zgjedhor, ne mendojme se i nje rendesie themelore mbetet rekomandimi i pare i ketij raporti, i cili kerkon qe: Partite politike duhet te tregojne vullnet politik per zhvillimin e zgjedhjeve demokratike ne perputhje me privilegjet e medha qe gezojne sipas ligjit ne lidhje me zhvillimin e zgjedhjeve",-kujton Patozi.