Zguri: Dekreti i Topit, digjen fletet
Rikthehet ne skene politike serish debati per djegien e fleteve te votimit me afrimin e dekretit te Presidentit Topi per zgjedhjet vendore te vitit te ardhshem. Kete radhe debati ka shperthyer ne KQZ, teksa ka qene nje nder anetaret me te vjeter te ketij Komisioni, ai qe eshte deklaruar ne favor te asgjesimit te fleteve te votimit, per te liruar kutite. Keshtu, Komisioni Qendror i Zgjedhjeve nuk do te prese pa fund negociatat e partive politike per djegien apo jo te fleteve te votimit. Anetari i KQZ-se, Klement Zguri thote se sapo te dale dekreti i Presidentit, per daten e zgjedhjeve vendore, do te nise puna per zbrazjen e kutive nga dokumentacioni i zgjedhjeve te kaluara. "KQZ nuk donte te futej ne konfliktin qe ishte ndermjet partive politike. Gjithsesi mendoj qe elementi kohe ka efektin e vet ne nje proces zgjedhor. Jemi fare prane daljes se dekretit te Presidentit, per zgjedhjet lokale dhe me daljen e tij KQZ duhet te ndertoje nje plan orientues te puneve, sipas procedurave dhe afateve qe ka nje proces zgjedhor. Nje nder to eshte edhe pergatitja e infrastruktures, logjistikes dhe kutite e votimit jane pjese e kesaj infrastrukture. Dekreti eshte orientues qe KQZ te filloje ne menyre intensive pergatitjet per zgjedhjet e ardhshme. Eshte e pafalshme per ne ne rast se procesi i ardhshem do te caloje apo do te vihet ne rrezik qofte dhe per kete element", thote Zguri. Njeheresh anetari me i vjeter i KQZ, Zguri thote se Komisioni Qendror i Zgjedhjeve priti gjate, per nje marreveshje mes partive politike, por tashme Kodi Zgjedhor eshte i qarte se fletet dhe kundrafletet e votimit duhet te digjen. "Mbas perfundimit te procesit zgjedhor, mbasi ka mbaruar edhe procesi i ankimimit, KQZ hap kutine e materialeve zgjedhore, nxjerr dokumentacionin i cili duhet te ruhet ne arkivin e shtetit dhe pas kesaj, paralelisht djeg fletet e votimit se bashku me kundrafletet", thote Zguri. Per te cilin sipas ligjit, nje veprim i tille duhej te ishte bere me kohe, por ka qene interesi per te vepruar pas nje marreveshjeje mes partive politike, ajo qe e ka shtyre ne kohe zbatimin e ligjit. Kerkesa e disa qytetareve per referendum per zgjidhjen e krizes politike eshte jokorrekte sipas Klement Zgurit qe vecon mungesen e referencave politike ne kete kerkese. "Nuk ka asnje reference ligjore. Po te shohesh termat brenda saj permenden kriza politike, kriza ekonomike qe jane te ulura kembekryq ne familjet e shqiptareve... ka terma edhe shume te rende qe situata mund te perkeqesohet dhe te dale edhe jashte kontrollit. Jane elemente te cilet nuk jane ne fokus te punes se KQZ", thote Zguri. S.P