Zhduken pa lajmeruar, gjenden pas 24-oresh

Durres- Dy persona te humbur, mes te cileve nje i mitur, u gjeten dje nga Policia e Durresit pas dy ditesh kerkimesh. Burime zyrtare thane se kthyen prane familjeve te tyre Ermir Sh., 16-vjec, banues ne lagjen nr. 15 te Durresit dhe Ardjan I., 31 vjec, banues ne lagjen "Kater Rruget" ne Shijak. "Ne saje te kerkimeve te kryera ne bashkepunim edhe me familjaret e tyre, u be e mundur gjetja e dy personave te shpallur ne kerkim si te larguar nga banesa me date 10 qershor", konfirmoi policia vendore per "KJ". Fillimisht eshte gjetur rreth ores 09:00 Ardjan I., te cilin e kishte deklaruar te humbur mbesa e tij E. E., duke bere edhe kallezimin per largim nga banesa. Familjaret jane shqetesuar se 31-vjecari nuk pergjigjej as ne telefon, nderkohe qe eshte gjetur jo shume larg nga banesa dhe ka deklaruar se nuk ka pasur asnje shqetesim, por ishte larguar me deshire. Pak ore me pas, eshte bere e mundur te gjendet edhe 16-vjecari Ermir Sh., per te cilin babai i tij ka bere kallezim per largimin nga banesa. Gjate marrjes ne pyetje, i mituri ka deklaruar se kishte qene ne shoqerine e shokeve te tij dhe ishte larguar me deshire pas momenteve te merzitjes. Per te dyja ngjarjet policia i ka referuar materialet prokurorise.