Zhduket ne mal 9-vjecari jetim, stuhia e debores veshtireson kerkimet

Mirdite- Nje 9-vjecare rezulton i humbur prej dy ditesh, ndersa pasi ka percjelle xhaxhane e tij ne mal, nuk eshte kthyer me ne banese. Ngjarja ka ndodhur mesditen e se merkures, ne fshatin Dardhaz te Xhuxhes, ne Fan te Mirdites. Por vetem diten e djeshme familjaret kane depozituar nje denoncim ne Komisariat, per zhdukjen pa gjurme te nxenesit te klases se trete, Olsion Gega. Ne kerkim nuk eshte vene vetem policia vendore, por edhe banoret e fshatrave perreth, ndersa oret e mbremjes jane nderprere kerkimet per shkak te terrenit te veshtire dhe kushteve atmosferike pas stuhive te forta te debores. Vogelushi ka dale nga shtepia per te shoqeruar xhaxhane e tij, i cili shkonte ne mal me bageti. Pasi ka bere rreth 3 km rruge ne mal, ai eshte kthyer per ne banese, por nuk ka mberritur. Nena e tij ka menduar se mos Olsioni kishte qendruar me xhaxhane dhe vetem kur eshte kthyer ky i fundit ne shtepi, eshte dhene alarmi per humbjen. Ne shtepi mesohet se eshte kthyer vetem qeni, qe shoqeronte vogelushin. Ne linje telefonike nga fshati Dardhaz, mesohet se kerkimet per gjetjen e femijes jane nderprere per shkak te motit, nderkohe qe pritet te rinisin diten e sotme. Policia eshte njoftuar vetem ne oret e pasdites se djeshme, ndersa ende nuk ka asnje reagim nga institucionet e tjera vendore.

Aleksander Ndoja

Jetesa

Vogelushi Olsion Gega sipas familjareve prezantonte deficensa te lehta ne shqisen e degjimit, nderkohe qe se bashku me 3 vellezerit rritej jetim, pasi babai Pashk Gega, kishte humbur jeten ne nje aksident automobilistik, kater vjet me pare. Per te jetuar ndihmohen nga xhaxhi dhe burim i vetem jetese, eshte blegtoria.