Zhduket një 17-vjeçare prej 5 ditësh

Një 17-vjeçare nga fshati Gracë i rrethit të Devollit që prej 5 ditësh është zhdukur nga shtëpia e saj dhe familjarët nuk dinë asgjë për të. Ajo quhet Arjana Qirizi dhe sipas njerëzve të familjes së saj ditën e premte ajo është larguar në mëngjes duke i hipur fugonit drejt Bilishtit siç bënte zakonisht. Më pas familja ka pritur që të kthehet vajza, por që prej 5 ditësh nuk ka asnjë informacion për të. Ajo ishte fëmija i tretë i kësaj familje. Familja ka lajmëruar komisariatin e policisë Devoll, i cili është vënë në kërkim të 17 vjeçares, e cila ka mbaruar vitin e 3-të të shkollës së mesme në fshatin Oçisht. Sipas familjarëve vajza nuk kishte asnjë konflikt dhe nuk kishin konstatuar të kishte ndonjë të dashur, që mund të ishte larguar me të.