Zhdukja e Hoxhes, deshmitaret: Nuk dime asnje

Tirane- Procesi gjyqesor per zhdukjen e biznesmenit shqiptaro-maqedonas, Remzi Hoxha ka vijuar dje me marrjen ne pyetje te pese deshmitareve te akuzes. Gjate seances gjyqesore u paraqiten deshmitaret Kadri Rrapi, Ilirjan Dema, Ahmet Koka, Enver Misha dhe Aleks Hasani. Kater deshmitaret e pare u pyeten nese kishin dijeni per shoqerimin e Hoxhes, si dhe te shtetasve; Ziso Kristopuli dhe Avdyl Loshaj. Deshmitaret kane theksuar se nuk kane pasur asnje dijeni ne lidhje me kete fakt, por me vone jane vene ne dijeni nga mediat. Deshmitari i fundit, Hasani, ish-kryetari i SHIK-ut Lezhe, aktualisht me detyre shef Antidroge ne Drejtorine e Goganes Tirane, u pyet nga ana e gjykates per menyren sesi funksiononte dega e SHIK-ut ne Vain te Lezhes, 1992-1997, kohe kur ka qene kryetar, por ky i fundit u pergjigj se nuk kishte dijeni, pasi ajo ishte nje baze e sherbimit sekret dhe nuk ishte ne varesi te tij, por te Drejtorise se Tiranes. Te pandehur ne kete proces jane; Arben Sefgjini, Ilir Kumbaro dhe Avni Koldashi. Ata akuzohen per rrembimin e biznesmenit Remzi Hoxha ne vitin 1995, ne ambientet e punishtes se tij duralumini "Albatros". Qe prej asaj dite nuk dihet nese Hoxha eshte gjalle apo ka vdekur, ndersa dyshohet te jete varrosur ne Vain te Lezhes.