Zhgënjehen të dënuarat e burgut 325
Dita e shënuar, 8 Marsi, është festuar edhe nga gratë e dënuara në burgun "Ali Demi" në kryeqytet. Ato janë përpjekur që të shijojnë një ditë ndryshe nga rutina e përditshme, që ofron jeta në izolim dhe e rrethuar nga hekurat. Por, sërish zhgënjimi i ka pushtuar edhe në këtë ditë, që për shumë gra dhe vajza të tjera ka qenë burim gëzimi dhe argëtimi. Ndërsa prisnin një falje, ato janë përballur me heshtje.
Drejtoria e Përgjithshme e Burgjeve ka organizuar një festë për të dënuarat, duke u sjellë atyre fëmijët për t‘i takuar. Ndërkohë që grave të dënuara u janë shpërndarë lule. Në këtë festë të organizuar ishte e pranishme edhe aktorja Tinka Kurti, e cila interpretoi një poezi për të dënuarat. Aktorja e mirënjohur e skenës shqiptare është përpjekur që t‘i flasë të dënuarave të 325-ës me dhembshuri, si dhe duke u dhënë kurajo që të bëhen të forta për të përballuar jetën pas hekurave.
Nga ana tjetër, drejtori i Përgjithshëm i Burgjeve, Gazmend Dibra, i pranishëm në këtë aktivitet, pohoi se me hyrjen në fuqi të ligjit për dënimet alternative, pritet të përfitojnë 84 gra, emrat e të cilave po shqyrtohen dhe së shpejti ato do të përfitojnë shërbimin e provës.
Megjithatë, shumë prej të burgosurave prapa hekurave të 325-ës janë shprehur të zhgënjyera, pasi ato kanë pritur tjetër gjë në këtë ditë. Njëra prej tyre rrëfehet duke thënë se për 8 marsin kishte menduar se Presidenti do të shpallte ndonjë amnisti për femrat që vuajnë dënimin në këtë burg, por duket se kjo dëshirë nuk mundi të realizohej në këtë 8 mars. Nga ana tjetër, nënat që qëndrojnë të mbyllura për të shlyer fajet e tyre, në këtë qendër të kryerjes së dënimeve, janë shprehur plot mall dhe keqardhje për mungesën e madhe që ndjejnë për fëmijët e tyre.
Shumë nga të dënuarat në këtë qendër, janë të moshave të thyera. Ato vuajnë faje, të cilat nuk i kanë kryer si trafikim i lëndëve narkotike. Kjo për shkak se kanë marrë përsipër fajet e kryera nga familjarët dhe për këtë arsye detyrohen të kalojnë vite të tëra pas hekurave. Ndërsa, mbushin statistikat policore me "suksese" në luftën kundër trafikut të drogës.
Drejtoria e Përgjithshme e Burgjeve ka organizuar një festë për të dënuarat, duke u sjellë atyre fëmijët për t‘i takuar. Ndërkohë që grave të dënuara u janë shpërndarë lule. Në këtë festë të organizuar ishte e pranishme edhe aktorja Tinka Kurti, e cila interpretoi një poezi për të dënuarat. Aktorja e mirënjohur e skenës shqiptare është përpjekur që t‘i flasë të dënuarave të 325-ës me dhembshuri, si dhe duke u dhënë kurajo që të bëhen të forta për të përballuar jetën pas hekurave.
Nga ana tjetër, drejtori i Përgjithshëm i Burgjeve, Gazmend Dibra, i pranishëm në këtë aktivitet, pohoi se me hyrjen në fuqi të ligjit për dënimet alternative, pritet të përfitojnë 84 gra, emrat e të cilave po shqyrtohen dhe së shpejti ato do të përfitojnë shërbimin e provës.
Megjithatë, shumë prej të burgosurave prapa hekurave të 325-ës janë shprehur të zhgënjyera, pasi ato kanë pritur tjetër gjë në këtë ditë. Njëra prej tyre rrëfehet duke thënë se për 8 marsin kishte menduar se Presidenti do të shpallte ndonjë amnisti për femrat që vuajnë dënimin në këtë burg, por duket se kjo dëshirë nuk mundi të realizohej në këtë 8 mars. Nga ana tjetër, nënat që qëndrojnë të mbyllura për të shlyer fajet e tyre, në këtë qendër të kryerjes së dënimeve, janë shprehur plot mall dhe keqardhje për mungesën e madhe që ndjejnë për fëmijët e tyre.
Shumë nga të dënuarat në këtë qendër, janë të moshave të thyera. Ato vuajnë faje, të cilat nuk i kanë kryer si trafikim i lëndëve narkotike. Kjo për shkak se kanë marrë përsipër fajet e kryera nga familjarët dhe për këtë arsye detyrohen të kalojnë vite të tëra pas hekurave. Ndërsa, mbushin statistikat policore me "suksese" në luftën kundër trafikut të drogës.