Zhvillohet mbledhja e Komisionit Ndërministror të Emergjencave Civile

Sot pasdite, u zhvillua  nën drejtimin e Zëvendëskryeministrit Oketa, mbledhja e radhës e Komisionit Ndërministror të Emergjencave Civile, në të cilën u diskutua mbi masat e ndërmarra së fundmi nga qeveria për përballimin e situatës, si dhe u përcaktuan detyrat për të ardhmen.

Zëvendëskryeministri Oketa informoi se janë ngritur 40 grupe vlerësimi, të cilat  sot kanë  bërë vlerësimin e 1308 objekteve në vendngjarje.

Gjithashtu, zoti Oketa informoi se në Shtëpinë  e Pushimit në Durrës numri i të akomoduarve ka arritur në 400. Personave të akomoduar përveç ushqimit dhe veshmbathjes u është garantuar një shërbim mjekësor 24 orë, si dhe ndjekja e rregullt e mësimit nga të gjithë fëmijët.

Ndër të tjera, në mbledhje u diskutua mbi trajtimin e të sëmurëve në Itali dhe në Greqi dhe u soll informacion për gjendjen e tyre të deritanishme.

Për sa i përket familjeve të viktimave, u diskutua për vendosjen e një shpërblimi financiar, si dhe trajtimin e tyre me një pension të veçantë.