Zhyten ne terr, bllokojne rrugen

Vlore- Nje lagje e tere tek Plazhi i Vjeter i Vlores, hidhet ne proteste pas nderprerjes se energjise elektrike qe prej muajit shkurt te ketij viti. Rreth 40 familje te zones tek ish- kabinat e pushimit, kane bllokuar rrugen kryesore Skele-Tec-Petrolifere, ne shenje pakenaqesie per vendimin e marre nga OSSH. Banoret te irrituar kane bllokuar rrugen me gure dhe kane dale vete para makinave te renda, te cilat kalojne ne ate rruge. E njejta gje eshte bere edhe me aksin kryesor, ku per 40 minuta eshte paralizuar krejtesisht qarkullimi. Banoret kerkuan nga OSSH rilidhjen e menjehershme te energjise elektrike dhe vendosjen e matesve te energjise. "Ne nuk kemi mundesi ta paguajme afrofe energjine elektrike, pasi na kushton 3 mije leke ne muaj dhe harxhojme me pak", u shprehen ata per gazeten "KJ". Me thirrje kunder OSSH-se, banoret i bene apel bashkise se Vlores, qe t'iu vije ne ndihme per te zgjidhur problemin e nisur nje muaj me pare. "Kemi nje muaj pa energji elektrike, ndersa ne shtepi kemi pleq dhe femije te cilet e kane te domosdoshme energjine elektrike", argumentuan banoret protesten e nisur. Pas 40 minutash ka nderhyre edhe policia vendore, e vene ne dijeni per protesten qe sipas tyre ka qene e paligjshme. Kane qene policet e rrugores qe brenda pak minutash zhbllokuan situaten e krijuar, duke lejuar qe vargu i madh i mjeteve te kalonte ne kete aks pa asnje problem. Mesohet se disa dite me pare banoret ndermoren edhe nje takim me prefektin e Vlores, Hasan Halili, ku i kane kerkuar ndihme per zgjidhjen e problemit te tyre. "Ai nuk na dha asnje zgjidhje konkrete, keshtu qe u detyruam te ndermerrnim kete proteste", shpjeguan banoret e Plazhit te Vjeter. Rreth 70 persona kane qene te pranishem ne kete proteste, si dhe kane deklaruar per mediat se protesta e tyre do te vazhdoje nese shteti dhe OSSH, nuk marrin masat per rikthimin e energjise elektrike tek ish-kabinat e plazhit, te kthyera ne shtepi banimi.

Ornela Hila