Zhytja e fundit, i merr jeten te moshuarit

Shkoder- Sezoni veror shenon viktimen e pare te plazhit te Velipojes. Nje 60-vjecar ka humbur jeten diten e djeshme, ndersa ka qene duke u lare. Burime policore te komisariatit Shkoder njoftuan se i ndjeri Rrok Kocaj u dergua ne spital pa shenja jete dhe per ngjarjen u ngrit nje grup hetimor. I moshuari ka qene duke u lare ne det, kur ka humbur per disa minuta ne uje. Familjaret kane leshuar alarmin dhe pushues te tjere arriten te gjejne te mbytur 60-vjecarin. Policia ben te ditur se ai doli i vdekur nga uji, duke ngritur dyshimet per nje atak kardiak i nxitur edhe nga uji i ftohte. Sipas deshmise se familjareve, Rrok Kocaj kishte shkuar per te kaluar fundjaven ne bregdet, bashke me pjesetare te tjere. Kur te gjithe jane bere gati per te ngrene dreken, i ndjeri ka hyre edhe nje here tjeter ne uje i vetem, por nuk ka mundur te dale me. Familjaret mohuan qe Kocaj te kete pasur probleme shendetesore te meparshme, ndersa banonte ne fshatin Grude e Re, e rrethit te Shkodres. Ekspertet konstatuan paraprakisht nje asfiksi ne organet e frymemarrjes qe ka ardhur nga mbytja ne uje, ndersa dyshojne per nje goditje fatale ne zemer gjate momentit te larjes.

R. Llazari