Zjarr mes anijet koreane në kufi

 

Anije të Koresë së Veriut dhe Koresë së Jugut kanë shkëmbyer zjarr pranë kufirit të tyre të diskutuar detar, duke acaruar më tej klimën e tensionuar mes dy vendeve. Ende nuk ka informacione të qarta nëse nga konfrontimi i tyre mund të ketë viktima. Një anije patrullimi koreanoveriore ka pësuar dëme. Të dyja palët fajësojnë njëra-tjetrën për incidentin. Sipas koreanojugorëve, një barkë koreanoveriore patrullimi ka kaluar kufirin e kontestuar detar mes të dyja vendeve dhe nuk ka ndaluar pas të shtënave paralajmëruese. Ushtria koreanoveriore thotë se barka e patrullimit ishte në pjesën veriore të linjës ndarëse kur u qëllua dhe kërkon që Jugu të kërkojë falje. BBC kujton se kufiri detar që kalon në pjesën perëndimore të gadishullit korean, është caktuar nga komandantë të forcave të SHBA-së në fund të luftës koreane dhe është diskutuar vazhdimisht nga Veriu.