Zjarrevenia e qellimshme, prokuroria nis hetimet per 11 dosje

Organet e hetimit ne Gjirokaster, vazhdojne procedurat ligjore per ndjekjen penale ne lidhje me 11 raste zjarri ne rrethet e Permetit, Tepelenes dhe Gjirokastres per te cilat dyshohet zjarrevenia e qellimshme. Sipas burimeve hetimore, gjate kesaj vere policia ne bashkepunim me Prokurorine e Gjirokastres, ka celur 11 dosje ne lidhje me mundesine e zjarrevenies se qellimshme te disa vatrave zjarresh, te regjistruara gjate stines se nxehte ne Qarkun e Gjirokastres. Keto zjarre kane demtuar jo vetem siperfaqet kullosore, por edhe masivet pyjore madje edhe kuroren e gjelber ne afersi te zonave urbane. Pjesa me e madhe e personave nen hetim, pese prej te cileve ndiqen ne gjendje te lire, jane kryesisht barinj te cilet kane pretenduar se i kane vendosur zjarret ne siperfaqet kullosore me qellim qe ato te riperterihen pas shirave te pare te vjeshtes. "Nderkohe si shkak i terrenit te thate zjarret e vendosura nga barinjte, nga nje siperfaqe e vogel kane dale jashte kontrollit duke shkrumbuar hektare te tera kullot malore apo masive pyjore", thone burime nga grupi hetimor per keto ngjarje. Gjate kesaj vere, kryesisht ne muajin gusht jane regjistruar disa vatra problematike zjarri, sic kane qene zjarri ne masivin me pisha ne afersi te Kelcyres, zjarret ne siperfaqet kullosore ne zonat malore te rrethit te Gjirokastres, etj. Nga ana e tyre specialistet e emergjencave ne Gjirokaster, vleresojne faktin se ndeshkimi ligjor i zjarrvenesve te qellimshem gjate kesaj vere, ka ulur ndjeshem edhe numrin e zjarreve problematike.

Blerim Kore